þjónusta í boði

þjónusta í boði

Sjálfstyrking fyrir alla 

Fyrir unglinga, fullorðna , foreldra og aðstandendur.

Viðtöl við ráðgjafa 

Viðtölin taka 50 mínútur.

Einstaklingsviðtöl: Í þessum viðtölum er hjálpað til við að horfast í augu við vandann og  hvaða áhrif hann hefur á líf viðkomandi.  Oft eru viðmælendur að upplifa erfiðar tilfinningar og eiga erfitt með að tjá þær þar sem þeim finnst að þeim ætti að líða á einhvern annann hátt. Þeir gera oft lítið úr tilfinningum sínum og telja þær ýmist réttar eða rangar. Viðtölin eru gott verkfæri til þess að fást við þessar tilfinningar, tjá þær og viðurkenna. 

Fjölskylduviðtöl: Það er mikilvægt að hlúa vel að einstaklingnum en það er einnig mikilvægt að hlúa vel að fjölskyldunni í heild sinni. Hvert foreldri fyrir sig er einstaklingur sem hefur mismunandi vandamál og bregst við vandanum á mismunandi hátt, vandamálin eru því oft ólík þrátt fyrir að flestir séu að takast á við vímuefnaneyslu eða annan geðrænan vanda unglingsins síns. Oft er álagið orðið það mikið að foreldrar missa tökin og þurfa stuðning til að sinna öðrum börnum á heimilinu sem og til að sinna sjálfum sér.

Stuðningshópar: Stuðningurinn felst í að foreldrar hittist í hverri viku með ráðgjafa á hópfundi þar sem foreldrar geta talað um líðan sína, farið í gegnum áföllin, sagt frá vonleysi sínu og úrræðaleysi sem og óskað eftir aðstoð eða upplýsingum. Mikilvægt er að gefa foreldrum tíma, hlýju og að það myndist samkennd í hópnum því ein erfiðasta tilfinningin fyrir foreldra er að upplifa sig eina í baráttunni. Sektarkennd, sjálfsásökun og efi um sjálfa sig er eitt af því sem foreldrar takast á við. Hópunum er stýrt af ráðgjafa og þeir eru í 60 mínútur í senn einu sinni í viku. Í þessum hópum eru 8-10 aðstandendur sem deila saman reynslu sinni, styrk og von. Hóparnir eru öflugt verkfæri þar sem einstaklingurinn getur samhæft sig með öðrum. 

Námskeið fyrir börn og unglinga 

TST ( Tómstundir, Sjálfstyrking og Tónlist )

námskeið   10-12 vikur 

T.S.T: Er sjálfstyrkingarnámskeið sem við bjóðum uppá fyrir börn og unglinga á öllum aldri allt frá 6-16 ára aldri Markmið okkar er að mæta þörfum ungmennanna með því að tengja saman Tónlist , sjálfstyrkingu, Tómstundir, leiki, föndur ofl.:• efla félagsleg tengsl og gagnkvæma virðingu
• efla sjálfstraust, sjálfsstjórn, samvinnu og tillitssemi
• hvetja til sjálfstæðra vinnubragða
• hvetja til þátttöku í félagsstörfum, tónlist, söng og öðrum tómstundum
• bjóða uppá fræðslu, umræður og forvarnir af ýmsu tagi 

Tónlistasmiðjan

námskeið   10-12 vikur 

Er fyrir unglinga á aldrinum 10-16 ára.  Æft er einu sinni til tvisvar í viku.  Hljóðfæraleikarar læra þau lög sem þau ráða við hverju sinni og spila undir söng. Að öðru leiti er stuðst við undirspil á CD eða hljóðfæraleik leiðbeinanda. Í lok hvers námskeiðs eru haldnir tónleikar fyrir foreldra og aðra aðstandendur.

Markmið tónlistasmiðjurnar:

·         Er að efla sjálfstraust nemenda

·         Stuðla að hrósi og jákvæðri hegðun.

·         Er að veita unglingum tækifæri til að vinna að tónlist með leiðsögn bæði í söng og   hljóðfæraleik

Tilgangur:

·         Er að koma þeim ungmennum saman sem eru að læra og/eða kunna á hljóðfæri auk þeirra sem kunna og geta sungið.  Með þessu gefst þeim tækifæri til að sýna sig, sanna og flytja tónlist í hópi ungmenna.Veita ungmennum leiðsögn og hvatningu í tónlist, framkomu og heilbrigðu lífi.   

Námskeið fyrir 18 ára og eldri 

S.O.S  ( Sjálfstyrking og stuðningur)

alla virka daga frá klukkan 09:00 – 12:30 

S.O.S: Er sjálfsstyrkingar og stuðnings Prógramm í formi fræðslu og forvarna, Úrræði fyrir fólk sem er að feta sig aftur útí lífið hvort sem það er fólk sem er atvinnulaust, fíklar sem eru að koma inn eftir fall,  fólk sem er að glíma við sorg og sorgarmissi, eða er bara illa félagslega stödd vegna þunglyndis ofl.

·         Hjá lífsýn eru verkefni unnin í mikilli sjálfsskoðun, ”

·         Skoðuð er staðan innan frá og útfrá orsökum með hjálp verkefna og í gegnum tilfinningarverkefni. Lögð er  áhersla á að veita einstaklingsmiðaða þjónustu og að mæta hverjum og einum þar sem hann er staddur hverju sinni.  

·         Slökun og hugleiðslu er mikill þáttur í prógramminu og það að einstaklingarnir sameini reynslu sína, styrk og vonir. 

Boðið er upp á faglega þjónustu ráðgjafa og leiðbeinenda með einstaklingsviðtölum, fyrirlestrum,  verkefnavinnu, hópvinnu, tónlist,  tómstundum og slökun.

allir eru hjartanlega velkomnir