Að horfast í augu við fíknina

Að horfast í augu við fíknina er auðveldara en að

afneita henni.

 Foreldrar sem ég tala við, láta nær undantekningarlaust í ljós þá eðlilegu von að barnið sé bara að ,,fara í gegnum svona tímabil”, drykkjan sé bara afleiðing einhverskonar ,,unglingaveiki” allt frekar en að sjá að brjálsemin er bein afleiðing drykkju og vímuefnaneyslu.  Það er miklu einfaldara að vona að ástandið sé ,,bara tímabundið” þannig er hægt að afskrifa vandann og vona að hann líð hjá. Þegar foreldrar segja mér að nú sé barnið að taka sig á, neyslan sé nær engin og lífið gangi sinn vanagang þá hika ég alltaf andartak áður en ég minni þau á þá staðreynd að nítíu prósent tilfella er verið að eiga við sjúkdóm sem ekki ,,bara hverfur.”

Ég hika vegna þess að ég veit hver viðbrögðin verða.  Skilningsleysi og undrun endurspeglast í andlitinu og augun verða tárvot.  Móðirin lítur undan eitt, tvö andartök í ólýsanlegri skelfingu, síðan strýkur hún hendinni yfir andlitið, eins og til að bursta af sér þá hugmynd sem hverja aðra óværu.  Síðan skiptir hún um umræðuefni Ég veit að sem ráðgjafi, verð ég að benda foreldrum á allar staðreyndir málsins.  En ég finn innilega til með þeim. ,,þetta hefur verið nærri óbærilegt”  segja þau, ,,Hversvegna að minnast á þetta aftur?” Segi ég ekki frá staðreyndum er ég óheiðarlegur. 

Þegi ég stuðla ég að þeim falsvonum foreldranna að þar sem drykkjan liggi niðri núna komi hún ekki til með að taka sig upp seinna.  En í flestum tilfellum byrjar drykkjan aftur.  Ef ég læt sem allt verði í lagi og kem þar með þeirri ranghugmynd á framfæri verður afneitunin langvinnari og sársauki foreldranna enn meiri og lengri þegar alkóhólisminn skýtur upp kollinum á nýjan leik.          

Lífsýn gefur út Sjálfshjálpardiskinn "Að sigrast á fíkn"

 Sjálfshjálpardiskurinn 

      Að sigrast á fíkn       

                   Er komin út                             

Hugleiðsluæfingar 

þegar fíkn herjar á er gott mál að setja diskinn í tækið og fara í gegnum nokkrar  æfingar sem farið er í ítarlega á þessum disk.

Frábær leið til að byggja upp varnir til að ná tökum á lífinu, ná árangri og síðast enn ekki síst -

                       að njóta þess að vera til !                        

      Hringdu í síma  771-4474   

Útvapsþátturinn Lífsýn

Nýr þáttur komin á Bloggið náðu í hann og hlustaðu

forvarnir, fræðsla, sjálfstyrking, spjall, heilræði og tónlist

til hægri undir tenglar kíktu á hann!! 

  

Áfengi og árangur í íþróttum

Áfengi og árangur í íþróttum :

Fyrir nokkrum árum stóð norska íþróttasambandið fyrir könnun á áhrifum áfengis á árangur í íþróttum.  70 handknattleiksmenn og knattspyrnumenn borðuðu léttan málsverð og drukku með matnum bjór og aðra áfenga drykki.  Engum þeirra fannst hann þó vera undir áhrifum áfengis eftir máltíðina.  Síðan voru þeir látnir skjóta á mark hjá góðum markvörðum, sem höfðu ekki drukkið áfenga drykki, og framkvæma vítaskot, knattrak og aðrar æfingar. 

Áfengisneyslan reyndist valda því að árangur þeirra, bæði stuttu eftir máltíðina og daginn eftir, varð talsvert lakari en þegar þeir höfðu ekki drukkið áfengi.  Þó íþróttamennirnir hafi ekki drukkið mikið áfengi kom það verulega niður á nákvæmni,  snerpu, krafti og hraða, jafnvel daginn eftir.  Til að tryggja að leikmennirnir legðu sig allan fram voru peningaverðlaun í boði fyrir besta árangurinn.  Þessar niðurstöður sýna hvaða áhrif  áfengisneysla getur haft á árangur íþróttamanna. 

Áfengi og kraftur!Einbeiting og hæfileiki til að beita mörgum vöðvum í samhæfðu átaki skipta miklu máli í íþróttagreinum sem krefjast vöðvastyrks og sprengikrafts.  Stjórnun þessara þátta fer að miklu leyti fram í heilanum og því eðlilegt að hún raskist við deyfandi áhrif áfengisins.  Styrkur og sprengikraftur verður þá minni en undir eðlilegum kringumstæðum.

Áfengi og samhæfing!

Sem fyrr er sagt riðlar alkóhól samstarfi og samhæfingu heila, vöðva og taugakerfis.  Nákvæmni í hreyfingum hrakar og jafnvægi versnar.  Allt bitnar þetta á tækni, hraða, þoli og samhæfingu íþróttamannsins.  Margir kannast við að þeir sem grunaðir eru um að vera undir áhrifum áfengis eru látnir ganga eftir beinni línu.  Það er vegna að þá kemur í ljós hvort samhæfing hreyfinga og jafnvægi er með eðlilegum hætti.

Áfengisneysla og æfingar!

Afleiðingar áfengisdrykkju endast miklu lengur í líkamanum en víman.  Líkaminn losar sig við alkóhólið jafnt og þétt, en því er ekki hægt að flýta með því að drekka kaffi, fara í kalda sturtu né gera líkamsæfingar, þó það kunni að hressast fyrst í stað.  Talið er að það taki lifrina 2-3 daga að ná aftur eðlilegri starfsemi eftir áfengisdrykkju.  Meðan líkaminn er að losa sig við alkóhólið á hann erfitt með að framleiða þá orku sem hann þarfnast við líkamsþjálfun.  Æfingar við þær aðstæður geta brotið meira niður en þær byggja upp og eru því gagnlitlar. 

Sá tími sem íþróttamaður er undir áhrifum áfengis og næstu dagar á eftir eru honum gangslausir til æfinga.  Enginn íþróttamaður sem stefnir í að ná langt og ná  árangri hefur því efni á að eyða mörgum dögum í að jafna sig eftir áfengisneyslu.  Með áfengisneyslu eftir æfingar lengist verulega sá tími sem líkaminn þarf til að jafna sig eftir áreynsluna.  Þannig er sóað til einskis dýrmætum tíma sem annars gæti nýst til að undirbúa líkamann fyrir næstu æfingu.

Áfengisneysla og meiðslahætta!

Áfengisneysla í tengslum við íþróttaiðkun hefur aukna meiðslahættu í för með sér.  Þó íþróttamaður drekki aðeins einn bjór, verður hann þar með líklegri en aðrir til að fá vöðvakrampa vegna vökvatapsins sem áfengisneyslan hefur í för með sér.  Verði íþróttamaður fyrir meiðslum finnur hann einnig síður til þeirra ef hann er undir áhrifum áfengis, því alkóhólið deyfir sársaukaskynið.  Þetta getur orðið til þess að hann bregðist ekki nógu skjótt við meiðslunum og þau verði því verri en ella.  Ennfremur seinkar það bata verulega ef áfengis er neytt meðan líkaminn er að ná sér eftir meiðsli.  

Lífsýn forvarnir og fræðsla

Fíkn er sjúkdómur

Fíkn er sjúkdómur 

Sú staðreynd að fíkn er sjúkdómur, sem birtist í því að sjúklingurinn myndar tengsl við ákveðin efni eða athafnir fremur en við fólk, endurspeglast í samskiptum hans við aðra.Undir eðlilegum kringumstæðum notar fólk ýmsa hluti sér til gagns eða gleði. Fíkillinn yfirfærir slík tengsl við hluti hins vegar smám saman yfir á samskipti sín við fólk og kemur fram við aðra eins og þeir séu dauðir hlutir sem þjóni því hlutverki einu að létta honum lífið eða gera það skemmtilegra. Kynlífsfíkill lítur til dæmis fyrst og fremst á fólk sem kynferðislegt viðfang en ekki manneskjur. Þeir sem umgangast fíkilinn þreytast á þessu viðmóti, þeir verða fyrir vonbrigðum og reiðast og fá sig að lokum fullsadda á því að vera meðhöndlaðir á þennan hátt.  

Afleiðingin er að bilið milli fíkilsins og annars fólks breikkar og fíkillinn einangrast enn frekar.Fíkillinn kemur fram við sjálfan sig eins og aðra. Með því að líta á sjálfan sig eins og hvern annan hlut stofnar hann tilfinningalegri, andlegri og líkamlegri heilsu sinni og velferð í voða. Álagið getur með tímanum orðið svo mikið að fíkillinn kiknar undan því og brotnar saman. Áhrif efna og athafna eru fyrirsjáanleg Með tímanum tekur fíkillinn að reiða sig á þá hugarástandbreytingu sem neysla ákveðinna efna eða framkvæmd tiltekinna athafna hefur í för með sér vegna þess að hún er bæði fyrirsjáanleg og óbrigðul. Í þessu felst seiðmagn fíknarinnar. 

• Þegar eiturlyfjasjúklingur tekur inn ákveðna tegund eiturlyfja finnur hann fyrirsjáanlega hugarástandsbreytingu.
• Þegar spilafíkill byrjar að spila finnur hann fyrirsjáanlega hugarástandbreytingu.
• Þegar matarfíkill fer að háma í sig mat finnur hann fyrirsjáanlega hugarástandsbreytingu.

 Hið sama gildir um kynlífsfíkla, vinnufíkla, eyðslusjúka og raunar alla þá sem þjást af einhvers konar fíkn - fíknin veldur breytingu á hugarástandi sem fíkillinn sér fyrir. Vegna þess hversu fyrirsjáanleg áhrif neyslunnar eða athafnanna eru fer fíkillinn að leggja traust á fíknina. Hann reiðir sig á að ákveðin hugarástandsbreyting eigi sér stað og sú verður raunin - í fyrstu.Það er hins vegar ekki hægt að reiða sig á fólk með sama hætti. Þegar fíkill þarf á stuðningi að halda og fer til besta vinar síns má vera að vinurinn þurfi jafnvel enn meiri á stuðningi að halda en fíkillinn. Við slíkar kringumstæður ályktar fíkillinn að betra sé að reiða sig á efni eða athafnir en fólk.Þeir sem alast upp í fjölskyldu þar sem neysla eða ofbeldi viðgangast læra að fólki sé ekki treystandi.

Þá falla þeir frekar fyrir þeirri tælandi og fölsku vellíðun sem fylgir hugarástandi vímunnar. Röng forgangsröðun Virkir fíklar vilja og heimta að vera fremst í forgangsröðinni. Þarfir þeirra verða öllu öðru yfirsterkari. Hlutir hafa hins vegar hvorki þarfir né langanir þannig að í sambandinu við þá getur fíkillinn ávallt verið í fyrsta sæti. Það er fíklum mikils virði og fellur vel að hugmyndakerfi þeirra sem byggist á tilfinningarrökum. Virkur fíkill fer því að reiða sig á fíknina fremur en fólk. Að treysta fólki er ógnun við fíknarferlið. Maður í neyslu setur efni í fyrsta sæti og fólk í annað sæti.Öll sækjumst við eftir lífsfyllingu og leitum að samböndum sem geta veitt okkur hana.

Fíkn er sambandsvandamál því samband fíkils og fíknar er í senn náið og tortímandi. Fíknarsamband við efni eða athafnir er eins og slæmt samband tveggja einstaklinga; utanaðkomandi fólk áttar sig engan veginn á því hvernig hægt er að vera í svona skaðlegu sambandi árum saman.Á byrjunarstigi er fíkn í efni eða athafnir viðleitni til að öðlast tilfinningalega fullnægju. Þannig má segja að fíknarsamband sé eðlilegt ferli í röngum farvegi. Vinátta hefst yfirleitt með einhvers konar tilfinningatengslum og byggist á því að tilfinningaþörfum sé fullnægt.

Fíkn er sjúkleg leið til að nálgast slíka fullnægju. Spilafíkill er ekki að eltast við vinninginn þótt hann telji sér trú um það sjálfur, heldur trúir hann og reiðir sig á að spilamennskan færir honum breytt hugarástand sem ber í sér fölsk loforð og falska kennd um fullnægju. Hvenær myndast fíknarsambönd? Við erum öll móttækilegri fyrir gylliboðum fíknarinnar á vissum tímum, til dæmis eftir mikinn missir. Missi fylgir sársauki og þörf fyrir eitthvað sem fyllt gæti upp í tómarúmið sem myndast. Gott dæmi um þetta er þegar fólk fer á eftirlaun. Þá kemur fíknarsamband oft í stað starfssambandsins.

Þegar fólk eldist hverfa vinirnir á braut og löng sambönd taka breytingum. Þá myndar margt eldra fólk fíknarsamband, til dæmis við sjónvarpið, áfengi, fjárhættuspil eða annars konar efni. Það veit að þessir hlutir verða áfram til staðar og setja því traust sitt á þá.Fólk getur líka verið hrætt við að mynda fíknarsambönd við aðrar aðstæður: 

• Eftir missi ástvinar (þeim mun nánara samband, þeim mun meiri líkur).
• Eftir að hafa sagt upp vinnunni.
• Eftir að hafa þurft að sjá á bak hugsjónum sínum eða draumum.
• Eftir vinarslit.
• Eftir að hafa þurft að takast á við félagslegar breytingar eða félagslega einangrun (t.d. þegar flutt er á nýjan stað).
• Eftir að hafa þurft að fara frá fjölskyldunni.

 Seiðmagn fíknarinnar Það er hugarástandsbreytingin sem gerir fíknarsambandið svo eftirsóknarvert. Hún á sér stað í hvert einasta skipti, á það er hægt að treysta. Engu mannlegu sambandi fylgir hins vegar slík trygging. Fíklar reiða sig á hugarástandsbreyting fáist með aðstoð ákveðinna athafna. Með því að belgja sig út af mat stjórnar til dæmis matarfíkillinn lífi sínu og líðan um hríð. Með því að veita fíkninni útrás finnst honum hann vera við stjórnvölinn og það vegur upp á móti mátt- og getuleysistilfinningunni sem kraumar undir niðri.Fíknarferlið býr yfir miklu aðdráttarafli.

Fíkn er ferli þar sem menn láta glepjast af fölskum og innantómum loforðum um tilfinningalegt öryggi, lífsfyllingu og náið samband við umheiminn. Spilafíkill er ekki að eltast við sjálfa athöfnina (spilamennskuna) heldur þá tilfinningalegu merkingu sem henni fylgir - hún verður tákn ákveðinnar fullnægju.Neyslusjúklingi stafar ekki einungis hætta af sjálfu fíknarsambandinu heldur einnig af óheiðarleikanum sem er óhjákvæmilegur fylgifiskur þess. Það er blekking að tilfinningaþörfum verði fullnægt með notkun efna eða ástundun tiltekins atferlis.

Það er óheiðarlegt að trúa því að efni eða atferli geti fært manni meira en tímabundna hugarástandsbreytingu. Spilafíklar eru ekki að eltast við vinninginn. Ef sú væri raunin myndu þeir stoppa þegar þeir væru búnir að vinna. Þeir eru að eltast við athöfnina sjálfa, spennuna, augnablikið og loks tapið því að það gefur þeim afsökun fyrir að hefja leikinn á ný. Viðvarandi óheiðarleiki af þessu tagi getur orðið hvati að nýju fíknarsambandi vegna þess að ein fíkn getur komið í stað annarrar. Birtingarmyndir leiðslunnar eru margar.Vinur minn er með skjöld uppi á vegg sem lýsir vel seiðmagni fíknarinnar: 

Það er alvarlegt að blekkja aðraen að blekkja sjálfan siger bænvænt. Tilfinningaofsa ruglað saman við tilfinningadýpt Fíklar rugla saman tilfinningaofsa og tilfinningadýpt. Þegar þeir veita fíkninni útrás með neyslu eða ákveðinni hegðun getur það verið mjög ofsafengin lífsreynsla því að þeir eru að vinna gegn sjálfum sér. 

• Spilafíkill verður fyrir ofsafenginni reynslu þegar hann horfir á fótboltaleik og veit að liðið sem hann veðjaði á verður að vinna til þess að hann geti staðið skil á síðustu afborgun af húsnæðisláninu sem þegar er komið í vanskil.
• Það er ofsafengin reynsla fyrir matarfíkil þegar hann kaupir sér fullan poka af mat, borðar hann mestallan og kastar honum upp á eftir.

 Í leiðslunni sem skapast þegar fíkillinn fær útrás fyrir fíkn sína verður hann gjarnan mjög æstur, mjög hræddur og skömmustulegur. Allar tilfinningar, hvers eðlis sem þær eru, verða ofsafengnar. Þess vegna verða líka áhrif augnabliksins mjög sterk.Ákafar tilfinningar eru samt ekki það sama og djúpstæðar tilfinningar, þótt fíklar rugli þessu tvennu gjarnan saman. Fíkillinn verður fyrir magnaðri reynslu sem hann telur hana hafa verið mjög djúpa. Spilasjúklingur álítur til dæmis samband sitt við spilafélagana vera mjög djúpt og innilegt en samt hittir hann þá aldrei nema við spilamennskuna.

Ég hef lært mikið um muninn á tilfinningaofsa og tilfinningadýpt af 15 ára gamalli frænku minni, en á þeim aldri er þessu tvennu gjarnan ruglað saman. Hún heldur að hún sé „yfir sig ástfangin" af bekkjabróður sínum og er viss um að þau muni giftast. Hún er þegar búin að ákveða hvað þau muni eignast mörg börn og hvað þau eigi að heita. Það er alveg gagnlaust að ætla að fá hana ofan af þessari trú sinni. Við sem stöndum henni næst vitum að hún er heltekin af tilfinningaofsa sem villir um fyrir henni. Tilfinningarnar sem hún finnur fyrir eru mjög sterkar en ekki mjög djúpstæðar.

Á unglingsárunum lærist fólki að gera greinarmun á áköfum tilfinningum og djúpum. Unglingar lofa hvor öðrum ævilangri vináttu og skipuleggja jafnvel framtíðina saman, en svo fjarar vináttan út. Djúpar tilfinningar þurfa tíma til að þróast. Unglingar sjá hins vegar oft ekki lengra fram í tímann en sem nemur næsta augnabliki.Virkir fíklar lifa einnig fyrir líðandi stund og láta tilfinningarnar ráða. Á tilfinningasviðinu eru þeir eins og unglingar og hegðun þeirra og hátterni er oft lýst eins og um unglinga væri að ræða. Fíklar þurfa líka oft að takast á við svipuð vandamál og unglingar.

Munurinn er sá að unglingarnir þroskast en fíklarnir komast ekki upp úr þessu fari meðan fíknin fær að þróast með þeim. 

Útvarpsþátturinn Lífsýn

kæru lesendur

Nú eru komnir 4 þættir á netið hingað á bloggið okkar Útvarpsþátturinn Lífsýn fyrsti þáttur sinnar tegundar á landinu þar sem við tvinnum saman forvarnir, fræðsla, sjálfstyrking, heilræði , spjall og tónlist.

hérna til hægri undir tenglar Útvarpsþátturinn Lífsýn

kíktu á þetta :) 

  

 

saga um ungan dreng

falleg heilræði

Þetta er saga af litlum dreng sem var afar geðvondur. Faðir hans gaf  
honum  naglapakka og sagði honum að í hvert sinn sem hann missti stjórn á skapi sínu skyldi hann negla einn nagla í bakhlið grindverksins.  
 

Fyrsta daginn negldi drengurinn 37 nagla í grindverkið. Næstu vikurnar
lærði hann að hafa stjórn á reiði sinni og fjöldi negldra nagla minnkaði 
dag frá degi. Hann uppgötvaði að það var auðveldara að hafa stjórn á 
skapi sínu en að negla alla þessa nagla í girðinguna. 

Loksins rann upp sá dagur að enginn nagli var negldur og drengurinn hafði  lært að hafa stjórn á sér. Hann sagði föður sínum þetta og faðirinn lagði til að nú drægi drengurinn út einn nagla fyrir hvern þann dag sem hann hefði stjórn á skapi sínu. Dagarnir liðu og loks gat drengurinn sagt föður sínum að allir naglarnir væru horfnir. Faðirinn tók soninn við hönd sér og leiddi hann að grindverkinu. Þú efur staðið þig með prýði ,en sjáðu öll götin á grindverkinu.

Það verður aldrei aftur eins og það var áður. Þegar þú segir eitthvað í reiði, skilur það  eftir sig ör alveg eins og naglarnir. Þú getur stungið mann með hnífi og  dregið hnífinn aftur úr sárinu,en það er alveg sama hve oft þú biðst  fyrirgefningar,örin eru þarna samt áfram. Ör sem orð skilja eftir sig geta verið jafnslæm og líkamleg ör.

Vinir eru sjaldgæfir eins og demantar. Þeir hlusta á þig, skiptast á skoðunum við þig og opna hjarta sitt fyrir þér.?

þetta er sláandi

Dauðsföll tengd fíkniefnaneyslu

Tölvuskráning á dauðsföllum sem rannsökuð hafa verið á Rannsóknarstofu í lyfjafræði við Háskóla Íslands nær aftur til ársins 1975. á því tímabili má rekja mörg dauðsföll hér á landi til áfengisneyslu og töku róandi lyfja og svefnlyfja. Árin 1977 – 1981 kom alkóhól við sögu 50% allra dauðsfalla, eða í 54 af 107 sem rannsökuð voru á Rannsóknarstofu í lyfjafræði. Var áfengisneysla talin aðaldánarorsök í tíu tilfellum en meðverkandi dánarorsök í 44 tilfellum. Árin 1977 -1987 voru tæplega 20% allra dauðsfalla, sem rannsökuð voru, rakin til töku barbitúrsýrusambanda með eða án annarra lyfja.  

Benzódiazepínsambönd valda tæpast dauða ein sér en taka þeirra er oft meðverkandi dánarorsök. Þessi lyf komu við sögu í rúmlega 20% dauðsfalla á árunum 1977-1981. Taka diazepams og neysla áfengis veldur stundum eitrunum er geta leitt til dauða. Dauðsföll af völdum amfetamínneyslu eru almennt mjög sjaldgæf og dauðs af völdum kókaínneyslu fátíð. Dauðsföll vegna kannabisneyslu þekkjast að því er virðist ekki né heldur dauðsföll af völdum LSD. Víða erlendis eru dauðsföll af völdum innspýtingar morfíns eða heróíns í æð vel þekkt en hafa svo vitað sé ekki orðið hér á landi.Frá því að tölvuskráning hófst árið 1975 hafa fjögur dauðsföll komið til rannsóknar á rannsóknarstofu í lyfjafræði þar sem amfetamín, kannabis eða morfín komu við sögu.

Í þessum tilvikum voru ofangreind efni þó ekki talin eiga þátt í dauða viðkomandi. Ef litið er til áranna 1984-1993 þá létust 26 einstaklingar, 22 karlar og 4 konur, á aldrinum 26-78 ára vegna banvænna eitrana af völdum alkóhóls eingöngu. Meðalaldur þessa fólks var 52 ár. 18 einstaklingar, 13 karlar og 5 konur, á aldrinum 28-70 ára létust út banvænum eitrunum af völdum alkóhóls og lyfja, þar sem alkóhól var talinn aðaleitrunarvaldurinn. Meðalaldur þessa fólks var 49 ár.44 ára karlmaður lést úr kókaíneitrun árið 1989 og árið 1993 lést fertugur karlmaður út metadóneitrun. Árið 1995 var eitt dauðsfall vegna metadóns og annað vegna morfíns.

Enda þótt metadón teljist ekki til ólöglegra ávana og fíkniefna kemur það oft í stað heróíns eða annarra ólöglegra morfínlyfja þegar þau eru ekki fyrir hendi. Þau dauðsföll sem hér er talað um eru vegna beinnar fíkniefnaeitrunar. Ekki er átt við dauðsföll sem rekja má til skertrar færni vegna vímuástands, svo sem slysa, eða dauðsföll vegna sjúkdóma sem eru tilkomnir vegna langvarandi neyslu þessara efna.Á eftirfarandi töflu er sundurliðun á eitrunum vegna dauðsfalla sem komu til rannsóknar hjá

Rannsóknarstofu í lyfjafræði árin 1988 og 1992 til 1996. ölvun telst vera mikil ef magn etanóls er umfram 2 prómíl í blóði eða 3 prómíl í þvagi. Etanól er talið hafa valdið banvænum eitrunum ef magn þess í blóði og þvagi er að meðaltali 4 prómíl eða meira og dauðsfallið verður ekki skýrt á annan hátt.

Taflan -árið 1988 voru 110 dauðsföll rannsökuð, þar af voru 4 vegna etanóls.
-árið 1992 voru 133 dauðsföll rannsökuð, þar af voru 4 vegna etanóls.
-árið 1993 voru 120 dauðsföll rannsökuð, þar af voru 5 vegna etanóls.
-árið 1994 voru 84 dauðsföll rannsökuð, þar af var ekkert vegna etanóls.
-árið 1995 voru 106 dauðsföll rannsökuð, þar af voru 4 vegna etanóls.
-árið 1996 voru 90 dauðsföll rannsökuð, þar af voru 2 vegna etanóls. 

Útvarpsþátturinn Lífsýn hér á blogginu okkar

Útvarpsþátturinn Lífsýn

Þáttur unga fólksins

 

Þáttur sem fjallar um ungt fólk sjálfsskoðun og sjálfstyrkingu fyrir einstaklinga sem hafa orðið undir , fíklar, meðvirklar, aðstandendur, ofl.

ma. spjall, fræðsla um þær sjálfshjálpar aðferðir sem eru í boði, vitnisburðir, spurt og svarað, forvarnir, fræðsla , sjálfstyrking, viðtöl og tónlist.

viðtöl við fólk sem hefur verið í baráttu við að koma lífi sínu í lag og líða vel.

 Nýr þáttur í hverri viku. 60 mín á fm 105,5 á föstudögum klukkan 11:00

og síðan eftir það hér á blogginu okkar :)     (hér til hægri undir tenglar)

Lífsýn fræðsla og forvarnir

Fordómar

Í þessari grein langar mig að draga aðeins upp mynd af fordómum og hvernig þeir skaða samfélag okkar og koma í veg fyrir að einstaklingar leiti sér þeirrar hjálpar sem í boði er, sem aftur veldur því að lífsgæði þeirra eru lakari en ástæða er til.  Oft höfum við heyrt af eða orðið vitni að fordómum gangvart ýmsum minnihlutahópum.  Má þar nefna fordóma gagnvart öðrum kynþáttum en þeim hvíta, gagnvart geðsjúkum, heittrúuðum, samkynhneigðum, fátækum, alkóhólistum og jafnvel fötluðum og fleiri hópa mætti nefna. 

Mörg dæmi eru til um níðingsverk sem framin hafa verið í skugga fordóma, bæði gömul og ný íslensk og erlend.  Samkynhneigðir hafa verið beittir líkamlegu ofbeldi og jafnvel drepnir er þeir ásamt gyðingum, sígaunum og öðrum sem ekki töldust til hins hreina kynstofns voru sendir í útrýmingarbúðir Hitlers.  Þá getum við spurt okkur að því hvað það eru margir sem ekki leita sér hjálpar vegna ótta við útskúfun annarra og hvaða afleiðingar það hefur í för með sér fyrir viðkomandi. 

Getur verið að alvarlegt þunglyndi sé einn fylgifiska þess að tilheyra jaðarhópi og upplifa útskúfun þess vegna ?  í verstu tilfellum er arfleiðing þunglyndis dauði.  Hver ber ábyrgðina?  Er það sjúklingurinn sem leitaði sér ekki hjálpar eða eru það fordómarnir sem ef til vill ollu því að hjálpin var ekki sótt vegna ótta?  Hver eða hverjir bera svo ábyrgðina á fordómunum?  Áleitnar spurningar, ekki satt? 

Stærsti þröskuldurinn er þó oft innra með okkur, við viljum ekki og getum ekki vegna þess að við er skelfingu lostin við viðbrögð annarra.  Við erum hrædd við það sem við þekkjum ekki og ótti okkar brýst fram í ofsóknum, hvort sem þær ofsóknir beinast að sjálfum okkur eða öðrum.  Ef samfélagið okkar mannanna væri laust við fordóma væri margt svo auðveldara.  Fólk myndi t.d. þora að leita sér aðstoðar vegna ýmissa lífsstjórnandi vandamála eða sjúkdóma, í mun ríkara mæli en nú er. 

Í fordómalausu samfélagi mætti bjarga og hjálpa mörgum þeim sem ekki leita sér hjálpar í þeim sem ekki leita sér hjálpar í dag.  Margt hefur áunnist í þeim efnum s.s. fyrir öflugt starf hagsmuna og félagasamtaka.  Að lokum langar mig að biðja þig lesandi minn að gera könnun á sjálfum eða sjálfri þér og skoða hvort þú hafir einhverja fordóma.  Það hjálpar að skoða það með öðrum því oft sjá aðrir það í fari okkar sem við sjáum ekki sjálf.

 

Lífsýn fræðsla og forvarnir